ST. JOHN CATHEDRAL KAW WA SARADAW PAUL MISSA NAWNG YA

Mandalay Sasana Sagumrem Wa Saradaw Kaba Paul Zinghtung Grawng kawn June (30) ya shani hkying (12:00 Noon) ten hta Kuala Lumpur na St. John Nawku jawng kaba kaw Myen mung ting na du sa ai Catholic hpung masha ni a matu Missa Hkungga hpe nawng ya lai wa sai. Missa Hkungga hta Malaysia du Catholic hpung masha ni 700 ram sa du shang lawm lai wa sai hpe chye lu ai. 

Missa Hkungga ngut ai hpang MCCM kawn woi awn le Wa Saradaw a matu San Peter hte Paul Poi nhtoi masat shagrau ai lamang hpe mung galaw lai wa sai. Lamang hta Malaysia du Catholic hpung masha ni hpe yu kawn nga ai Wa Jau Michael Kan Sian Piang a Jau tai ai (3) ning hpring shagrau lamang hpe mung galaw la lu sai. Missa Hkungga ngut ai hte Wa Saradaw hte hpung masha ni masat dingsat sumla ni dem la nna, hpung masha ni hte hkrum shaga ai lam ni galaw lai wa sai.