JINGHPAW MISSA HTE WA SARADAW HPE HKALUM AI LAMANG

Malaysia Mungdan kaw du nga ai Catholic Hpung Masha ni hpe sa du gawan na matu, Mandalay Sasana Sagurem Wa Saradaw Paul Zinghtung Grawng kawn June (28) ya shana daw hta Philippines mungdan kaw nna Malaysia mungdan de du sa wa sai.  June (29) ya shani Wa Saradaw hpe KCCM Magam gun Sara Paul Kaiji Naw Naw hte Ramma ni kawn Malaysia mungdan a mying gumhkawng ai shara ni de woi hkawm chyai lai wa sai. Shana daw hkying (4:00PM) ten ram hta Bukit Bintang na KCCM Ginra Nta de bai du wa nna, KCCM hpung masha ni a matu Jinghpaw hku nna Missa Hkungga hpe nawng ya lai wa sai. Missa Hkungga nawng ya ngut ai hpang KCCM hpung masha ni kawn Wa Saradaw hpe hkap tau hkalum ai hte Wa Saradaw a matu San Peter hte Paul Poi Nhtoi masat shagrau lamang hpe mung galaw la lu sai. Ndai lamang hta KCCM hpung masha ni kawn Wa Saradaw hpe Htunghking Shat Lit Shat Ka hte gun jaw nna shagrau la lu sa ga ai. Lamang hta KCCM ningbaw rai nga ai Slg. James Gyidu La Hkam kawn Wa Saradaw hpe hkap tau hkalum ai lam tsun la nhtawn, Sara Paul Kaiji Naw Naw kawn KCCM a labau hte galaw lai wa sai lam ni, matut galaw sa wa nga ai lam ni hpe tsun sanglang dan lai mat wa sai. Wa Saradaw kawn mung hpung masha ni hpe n gun jaw mungga hte tsun shaga la sai wa sai. Ramma ni kawn mung Wa Saradaw hpe yu ngwi mahkawn ni hte shagrau lai wa sai. Lamang ngut ai hpang malu masha ni hpe myit hkrum myit ra hte rau sha jawm sha la lu sa ga ai. June (29) ya shana de Wa Saradaw gaw KCCM Ginra Nta kaw sha yup hkring sa lai lai wa sai.