Malaysia Mungdan du Catholic hpung masha ni kawn Chyeju Madu Kanu Kawa Shagrau Poi n htoi hpe awng dang ai hte galaw la lai wa saga ai. N dai Kanu Kawa Poi hpe July (28) ya shana hkying (8:00)pm ten Setapak na KCCM Ginra nta hta galaw la lu sai. Lamang hta Setapak Ginwang Up Wa Jau Michael kawn Kanu Kawa ni a matu Missa Hkungga sa du nawng ya wa sai. Missa Hkungga ngut ai hpang Wa Jau hte asak kaba sai Kanu Kawa ni hpe kum hpa shagrau ai lam hpe mung galaw lu saga ai. N dai lamang hta KCCM hpung masha ni hpe galoi mung garum la nga ai Setapak na Nu num hpung ni mung sa du shang lawm wa sai.
