Wa sarabyin Benedict XVI gaw lai wa sai January shata 15 ya, World Day of Migrants and Refugees nhtoi hta hpung masha shagu hpe shadum ya ai lam gaw, “tinang a mare buga hpe htawt nna kaga buga shara ni hta bungli sa galaw ai ni, jawng lung nga ai jawng ma ni, tsin yan hkrum masha ni hte shingbyi shara tam ai ni a matu, Madu Yesu hpe kamsham ai Hkristian hpung masha shagu laksan myit maja let shanhte hpe garum akyu hpyi ya na, myit hkrum myit ra lam madun na, tsawra myit kaba hte kaja ai manang tai ra ai nga ai.” Nawku hpung gaw galoi mung Hkristan myit masa hpe sakse hkam let hkan galaw na matu lam madung ya nga ai. Tinang mare buga hpe htawt nna, sam tsan buga de du taw nga ai ni yawng hpe wenyi makam masham hte lam amyu myu hku nna garum la na matu, Wa Sarabyin shaning shagu shadum ya nga ai mungga ni gaw n-gun lu ai lam rai nga ai. Bai dai sha n-ga, anhte hpung masha shagu mung ta tut hkan galaw na lit nga ai lam hpe mung hkam la ai.
Lai wa sai Hkrismat hte shaning nna hta jawng pat ai majaw Wa Jau Philipine Mungdang kaw nna Malaysia Mungdang de sa gawang ai. Dai aten hta Malaysia de du taw nga ai KCCM hpung masha kaji kaba yawng hte hkrum zup lu ai lam gaw n malap lu ai mahkrum madup kaba langai mi re ngu nna Wa Jau hkam sha ai. Ndai mahkrum madup lam ni yawng hpe ka na rai jang laika buk kaba langai mi ka lu na re. Raitim, ahkyak ai lam n kau mi hpe sha ka let hpung masha ni yawng hpe chyeju dum shakawn mayu ai.
Wa Jau, bat lahkawng lamang sa nga ai aten hta nanhte hpung masha ni kamsham ai myit kaba hpe mu lu ai. Kade daram bungli a majaw kyin tim, ba tim, yak tim mung, Missa Hkungga sa lawm ai lam ni, akyu hpyi ai shaloi ahkrum ara sa lawm ai lam ni gaw nanhte hta rawng ai Karai Kasang hpe kamsham myit a majaw she rai nga ai. Hpung masha n kau mi grai tsan ai de na Wa Jau ni nga ai shara de sa du nna mara raw ai hte Missa sa lawm ai, bai, Jau ni kaw nna shaman hkam la ai lam ni gaw Sakramentu ni hpe manu shadan ai rai nga ai. Kamsham myit kaba hte nawku dawjau ai, a kyu hpyi ai lam ni gaw tinang a prat hpe san seng san pra ai hte nga ai lam rai nga ai. Bai dai sha n-ga, Karai Kasang a shaman chejyu ni hpe lu ai lam rai nga ai. Sum tsan buga de nga ai aten hta tinang lu la ai makam masham hpe sakse hkam ai lam mung rai nga ai. San Pawlu Kolose masha ni hpang de shagun dat ai laika 4:2-4 hta akyu hpyi shakut na matu, akyu hpyi ai lam n lawm yang, anhte a magam bung li ni gaw shinggyim masha a shakut ai sha rai nna, Karai Kasang a atsam n lawm ai lam rai nga ai. Bai galaw ai magam bung li mung Karai Kasang a atsam rawng jang grau awng dang lu ai lam hpe shadum da ai. Sum tsan buga de nga ai aten hta garen gari hkrum ai hte mayak mahkak lam ni law law nga na re. Karai Kasang hpe kam sham manoi manat let shakut sa wa na matu n gun jaw mayu ai.
Langkawi de sa ai lam hpe bai yu dat jang KCCM hpung masha ni jahpawt shagu Missa lawm ai, myit hkrum myit ra ai hte shada da n-gun jaw hkat ai lam ni gaw manu dan la ai. Wa Jau yen hte Hpung masha ni hkrum zup jahta ai, shada da a hkam sha ai lam ni hpe tsun hpaw tsun dan hkat ai, hpung masha ni shada da grau nna hku hkau wa na matu jawm gin sup ai lam ni gaw sum tsan buga de du nga ai ni a matu manu dan ai lam ni rai nga ai. Ndai zawn hkrum zup hkawm sa na matu lajang ai hte woi awn ai KCCM ningbaw ni hpe mung chyeju dum shakawn mayu ai. Langkawi de nga ai hpung masha langai mi Jinghpaw hku Missa n lawm lu ai shaning na wa sai lam hpe tsun dan ai. Raitim, Wa Jau ni du ai majaw Misa lawm lu nna grai kabu ai hte KCCM hpung masha ni hte mung hkrum lu ai majaw, ndang tsun hkra chyeju dum kabu ai lam ni hpe tsun dan ai. Ndai zawn lam ni hpe mu ai shaloi ngai hkum nan mung grai hkam sha ai re. KCCM hpung ningbaw ni shanhte a bungli hpe jahkring da nna hpung masha ni hte hkrum nna Wa Jau ni Missa nawng na matu, mara raw na matu hte akyu hpyi na matu lajang ai lam ni mung shakawn chyeju dum na lam rai nga ai. January praw (1) ya laban shani shaning nnan hta KCCM Magam gun nnan ni hpe lata la ai hte magam bungli ni hpe shachyen ya ai lam ni gaw n gun lu hpa rai nga ai. Sum tsan buga de du taw nga ai KCCM hpung masha ni tinang a dum nta buga hte tsan nna, tinang a htung hkring n bung ai, ga n bung ai, shara hta lam amyu myu a majaw sa nga ra tim, myit n daw ai sha wenyi makam mashan lam hta matut shakut sa wa ga. Tinang a makam masham, htung hking lam ni hpe mung ma ni hpe matut sharing shaga let myithkrum myit ra ai hte KCCM hpung shamu shamawt lam ni hta shang lawm sa wa ga. Hpaji ning hkring langai mi tsun ai, “ndai mungkan ga gaw anhte a sara kaba re. Shi kaw nna anhte sharin hkaja ra ai lam ni hkrai rai nga ai. Shani shagu na mahkrum madup ni gaw hkaja la ra ai ni hkrai rai nga ai. Hkrat sum ai lam shagu gaw bai awng dang na matu n-gun atsam re. Yak hkak ai lam ni gaw tinang a kamsham myit hpe chyam dinglik yu ai lam re. Tinang n ra ai mahkrum madup ni hte a gung a lau lam ni gaw tinang myit kata na n-gun atsam marai hpe chyam dinglik yu ai lam re. Dai majaw a sum n jaw ai sha share ninghkring langai mi hku nna hkawm sa mu,” nga ai.
Wa Jau Leo
Philippines
Lai wa sai Hkrismat hte shaning nna hta jawng pat ai majaw Wa Jau Philipine Mungdang kaw nna Malaysia Mungdang de sa gawang ai. Dai aten hta Malaysia de du taw nga ai KCCM hpung masha kaji kaba yawng hte hkrum zup lu ai lam gaw n malap lu ai mahkrum madup kaba langai mi re ngu nna Wa Jau hkam sha ai. Ndai mahkrum madup lam ni yawng hpe ka na rai jang laika buk kaba langai mi ka lu na re. Raitim, ahkyak ai lam n kau mi hpe sha ka let hpung masha ni yawng hpe chyeju dum shakawn mayu ai.
Wa Jau, bat lahkawng lamang sa nga ai aten hta nanhte hpung masha ni kamsham ai myit kaba hpe mu lu ai. Kade daram bungli a majaw kyin tim, ba tim, yak tim mung, Missa Hkungga sa lawm ai lam ni, akyu hpyi ai shaloi ahkrum ara sa lawm ai lam ni gaw nanhte hta rawng ai Karai Kasang hpe kamsham myit a majaw she rai nga ai. Hpung masha n kau mi grai tsan ai de na Wa Jau ni nga ai shara de sa du nna mara raw ai hte Missa sa lawm ai, bai, Jau ni kaw nna shaman hkam la ai lam ni gaw Sakramentu ni hpe manu shadan ai rai nga ai. Kamsham myit kaba hte nawku dawjau ai, a kyu hpyi ai lam ni gaw tinang a prat hpe san seng san pra ai hte nga ai lam rai nga ai. Bai dai sha n-ga, Karai Kasang a shaman chejyu ni hpe lu ai lam rai nga ai. Sum tsan buga de nga ai aten hta tinang lu la ai makam masham hpe sakse hkam ai lam mung rai nga ai. San Pawlu Kolose masha ni hpang de shagun dat ai laika 4:2-4 hta akyu hpyi shakut na matu, akyu hpyi ai lam n lawm yang, anhte a magam bung li ni gaw shinggyim masha a shakut ai sha rai nna, Karai Kasang a atsam n lawm ai lam rai nga ai. Bai galaw ai magam bung li mung Karai Kasang a atsam rawng jang grau awng dang lu ai lam hpe shadum da ai. Sum tsan buga de nga ai aten hta garen gari hkrum ai hte mayak mahkak lam ni law law nga na re. Karai Kasang hpe kam sham manoi manat let shakut sa wa na matu n gun jaw mayu ai.
Langkawi de sa ai lam hpe bai yu dat jang KCCM hpung masha ni jahpawt shagu Missa lawm ai, myit hkrum myit ra ai hte shada da n-gun jaw hkat ai lam ni gaw manu dan la ai. Wa Jau yen hte Hpung masha ni hkrum zup jahta ai, shada da a hkam sha ai lam ni hpe tsun hpaw tsun dan hkat ai, hpung masha ni shada da grau nna hku hkau wa na matu jawm gin sup ai lam ni gaw sum tsan buga de du nga ai ni a matu manu dan ai lam ni rai nga ai. Ndai zawn hkrum zup hkawm sa na matu lajang ai hte woi awn ai KCCM ningbaw ni hpe mung chyeju dum shakawn mayu ai. Langkawi de nga ai hpung masha langai mi Jinghpaw hku Missa n lawm lu ai shaning na wa sai lam hpe tsun dan ai. Raitim, Wa Jau ni du ai majaw Misa lawm lu nna grai kabu ai hte KCCM hpung masha ni hte mung hkrum lu ai majaw, ndang tsun hkra chyeju dum kabu ai lam ni hpe tsun dan ai. Ndai zawn lam ni hpe mu ai shaloi ngai hkum nan mung grai hkam sha ai re. KCCM hpung ningbaw ni shanhte a bungli hpe jahkring da nna hpung masha ni hte hkrum nna Wa Jau ni Missa nawng na matu, mara raw na matu hte akyu hpyi na matu lajang ai lam ni mung shakawn chyeju dum na lam rai nga ai. January praw (1) ya laban shani shaning nnan hta KCCM Magam gun nnan ni hpe lata la ai hte magam bungli ni hpe shachyen ya ai lam ni gaw n gun lu hpa rai nga ai. Sum tsan buga de du taw nga ai KCCM hpung masha ni tinang a dum nta buga hte tsan nna, tinang a htung hkring n bung ai, ga n bung ai, shara hta lam amyu myu a majaw sa nga ra tim, myit n daw ai sha wenyi makam mashan lam hta matut shakut sa wa ga. Tinang a makam masham, htung hking lam ni hpe mung ma ni hpe matut sharing shaga let myithkrum myit ra ai hte KCCM hpung shamu shamawt lam ni hta shang lawm sa wa ga. Hpaji ning hkring langai mi tsun ai, “ndai mungkan ga gaw anhte a sara kaba re. Shi kaw nna anhte sharin hkaja ra ai lam ni hkrai rai nga ai. Shani shagu na mahkrum madup ni gaw hkaja la ra ai ni hkrai rai nga ai. Hkrat sum ai lam shagu gaw bai awng dang na matu n-gun atsam re. Yak hkak ai lam ni gaw tinang a kamsham myit hpe chyam dinglik yu ai lam re. Tinang n ra ai mahkrum madup ni hte a gung a lau lam ni gaw tinang myit kata na n-gun atsam marai hpe chyam dinglik yu ai lam re. Dai majaw a sum n jaw ai sha share ninghkring langai mi hku nna hkawm sa mu,” nga ai.
Wa Jau Leo
Philippines
No comments:
Post a Comment