KCCM HPUNG MASHA NI HPANG DE

KCCM Hpung masha ni yawng hpang de shana dat ai. KCCM hpe hpaw ninghtan let hpung masha ni a matu Makam masham lam, hte lam shagu hta woi awn sa wa ai gaw (2) ning a ten ladaw de du wa sai. KCCM a woi awn ai hta Hpung masha ni yawng myit hkrum myit ra ai hte jawm shang lawm, shamu shamawt ai majaw awng dang ai lam ni law law mung lu la lai wa saga ai. Ya kalang bai magam gun nnan ni hpe lata shatsam na a ten bai du wa sai. 2012 ning a matu KCCM magam gun nnan ni hpe ya kawn jawm myit jawm mang let lata sa wa ga. KCCM hpung masha ni a matu kaja wa ap nawng lu ai, KCCM hpung masha ni a matu sak jaw lu nna, KCCM a rawt jat galu kaba lam hpe ra sharawng ai, myit su myit gawp ai, atsam marai rawng ai Ningbaw kaja lu na matu nang ngai yawng jawm shakut sa wa ga ngu saw lajin dat n ngai.
KCCM