WAN GAM LADAW A LAM

Hkungga tsawra ai Nu wa hpunau ni,
Kyu hpyi tara sadik lu sha gam ai, wan gam ladaw bai du wa sai re.
N-dai lu sha gam kyu hpyi tara sadik ai lam gaw, Kahtolic nawku hpung kata sha nre, Orthodox, Anglican, Lutherans, Methodists, Evangelists, Presbyterians hte kaga hpunau Hkrsitan hpung ni hta mung, grai ahkyak ai aten ladaw rai nga ai.

N-dai lu sha gam kyu hpyi tara sadik ai lailen hpe galoi ten kaw na galaw hpang wa ai kun? nga nna san ai masha ni nga ma ai re.


Karai Kasang kaw lu sha gam nna kyu phyi ai lam gaw, Madu Yesu pyi garai n-shangai shi ai ten, Chyum Laika ga shaka dingsa kaw na hpang wa sai re. Chyum laika ga shaka dingsa Yona laika hta, Ninive masha ni gaw, Myihtoi Yona tsun shadum ai majaw shanhte a mara ni hpe myit malai lu ai hte, lu sha gam kyu hpyi lai wa nna, Karai Kasang a aridan kaw na lawt lu ai lam hpe hti lu nga ai.

Chyum laika ga shaka dingsa na Prumat wa ai laika 34:28 hta, Mawshe gaw, Karai Kasang kaw na Tara Kanu lam shi hpe lu la na matu, Sinai bum ntsa kaw, nhtoi 40 ya tup, n-lu n-sha rai nna kyu hpyi tara sadik lai wa ai.

Bai nna, Hkawhkam laika 1, 19:8 hta, Mihtoi Elia gaw, Horeb bum kaw Karai Kasang hte hkrum na matu, nhtoi mali shaya tup n-hkring n-sa, n-yup n-sha, hkawm sa ai hpe na lu nga ai.

Dai hta grau nna, Mt 4:2 hta, Karai a Kasha Madu Yesu hkum nan, zaibru jang kaw nhtoi 40 tup kyu hpyi tara sadik ai lam hpe anhte ni lu hti nga ai re.

Dai majaw, lu sha gam nna kyu hpyi ai lam hpe, moi Chyum Laika a ga shaka dingsa prat kaw na hpang wa ai hte, ga shaka n-nan Madu Yesu a lakhtak hta mung nga lai wa nna, ya dai ni na aten du hkra, Karai Kasang hpe kamsham ai kashu kasha ni yawng grai ahkyak manu shadan nna galaw nga ga ai re.

Kahtolic nawku hpung kata hta gaw, madu a shading AD 325 hta, Nicea mare kaw galaw ai mungkan nawku hpung zuphpawng hta, tara hkrang hte hkrak atsawm sha masat shagrin lai wa sai re. Madu Yesu hte Mawshe gaw, nhtoi 40 ya tup Karai Kasang kaw lu sha gam tara sadik lai wa ai hpe la nna, lu sha gam ai aten ladaw hpe mung nhtoi 40 masat da lai wa sai.

N-dai lu sha gam ai aten ladaw hta, malu masha ni hpe shayawm sha ai lam ni, matsan jam jau ai ni hpe garum madi shadaw ai lam ni, kyu hpyi tara sadik ai the mara ni hpe koi gam ai lam ni galaw sa wa na matu nawku hpung kaw na hpung masha ni hpe n-gun jaw lam madun da nga ai.

Lu sha gam aten laman, bat manga ya shani shagu, madu Yesu ndang hta jen noi si hkrum ai hpe dum nna, nawku jawng kaw u-dang gawan kyu hpyi ai lam ni sa lawm na matu hte, dai shani shan ni hpe koi gam na matu mung, nawku hpung kaw na sharin ya nga ai. Grau nna lu sha gam ladaw du shang wa ai wanwu chya hkam la ai nhtoi hte, Madu Yesu si hkam ai bat Manga ya shani hta, laklai ai hku na lu sha koi gam ai hte kyu hpyi ra ga ai re.

Raitim, asak 14 ning n-pu na ma ni hte asak 60 lahta na masha kaba ni, machyi ai masha ni, bu hkawm ai masha ni hte, bungli shaja galaw sha ra ai matsan masha ni gaw, lu sha koi gam n-ra ai nga nna, nawku hpung masat da ya nga ai.

Bai nna n-dai wan gam ladaw hta, nawku hpung kata num hkungran poi hte kaga pyaw poi kaba galaw ai lam ni, ladu lai lu sha nang bam nna pyaw lai ai lam ni hpe koi gam na matu mung, shadum da nga ai.

Nu wa hpunau ni,
Anhte hpung masha nkau mi hta byin chye ai. Wan gam ladaw du sai nga yang, lu sha gam kyu hpyi ra sai, poi nmai galaw sai nga nna, myit n-pyaw ai hte myiman muk muk rai mat chye ai.

Kaja wa nga yang, n-dai wan gam ladaw gaw, anhte a mara ni hpe kashin kau ai aten, Karai Kasang a matsan dau lama ai hpe hkam la ai aten the, tinang a prat hpe grau mai kaja hkra gram lajang la ai aten re majaw, grai kabu mai ai aten re.
Lu sha koi gam ai ngu ai mung, anhte a wenyi a matu sha nre, anhte a hkum hkrang hkam kaja lam a matu mung grai ahkayk nga ai hpe, tsi hpungtang hpaji du ni sawk sagawn tang madun lai wa ma ai.

Dai ni mungkan ntsa hta, nlu lu nlu sha nna si ai masha htan na, ladu lai hte sha ai majaw ana yoga amyumyu byin nna si ai masha ni grau law ma ai re.

Dwi sau ai malu masha ni hpe ladu lai hte sha ai majaw, sai lung sai rawt ana, jit dwi sai dwi ana hte, salum ana ni lu nna masha wan lam kaba shaning shagu asak sum nga ma ai. N-lu sha ging ai malu masha ni re ai, tsa chyaru, ka-ni, salik ni hpe lu sha ai majaw mung, masha wan lam kaba si hkrum nga ma ai.

Nu wa ni, karai kasang hpan da ai asak rawng ai amyu hpan hta, anhte shinggyim masha ni gaw, lu sha ai hta mak dik htum, tara kata lu sha htum hte, hpan amyu law htum sha ai ni re da.

Du sat ni gaw lu sha ai lam hta, rit kawp tara nga ai.
Dumsu nga ni gaw, tsing sha sha ai, shan nsha ai. Sharaw hkanghkyi ni gaw, shan sha sha ai, tsing nsha ai. Kaga du sat amyu ni mung, shi the shi sha asak hkrung na matu lu sha ma ai re.

Raitim, anhte shinggyim masha ni gaw, lu sha ai hta ritkawp tara nnga ai. Shan the seng nna mung u shan, wa shan, nga shan sha n-ga ai, gwi shan, nyau shan, lapu shan, shu shan, yawng sha ai. Namlap hpan maga de nga yang mung, sha nsi wa ai baw rai yang gaw, yawng sha ai hku rai nga ai. Malu masha ni hpe, ju sha ai, shadu sha ai, ga-ngau sha ai, ka-kang sha ai, kapung sha ai, ka-i sha ai, jahkraw sha ai, hpan amyumyu galaw sha chye ga ai. Sha ai nam chyim hpan maga de nga yang mung, dwi ai mung sha ai, sau ai mung sha ai, jap ai mung sha ai, hkri ai mung sha ai, hka ai mung sha ai. N-mai sha ai si wa chye ai baw, tsa chyaru, ka-ni ni hpe pyi lu sha ai ni rai ga ai. Galang marang myit ru yang, yu sat tsi ni, gung ni hpe pyi lu sha ai shinggyim masha ni rai ga ai.

Dai majaw, anhte shinggyim masha ni gaw, lu sha ai hta sadi sahka ai lam n-nga ai, shadawn sharam ai lam nnga ai. Malu masha hta kadawng bang nna, prat sum ai lam ni law law lang byin lai wa saga ai re.

Adam hte Eva mung, hkum sha ngu ai namsi hpe sha nna, n-pawt mara galaw shut lai wa ma ai. Madu Yesu hpe nat tsadan gunglau ai shaloi mung, nambat langai malu masha hte shawng gunglau ai re. Kansi nga ai Madu Yesu hpe nat tsadan gaw, nlung hpe muk shatai nna sha na matu tsun lai wa ai.Raitim madu Yesu gaw, masha gaw muk hte sha nre, Karai Kasang a Mungga hte asak hkrung ra ai lam tsun nna nat tsadan hpe dang kau lai wa sai.

Dai re ai majaw, anhte a prat hta malu masha gaw, ahkyak ai raitim, Karai a Mungga gaw grau ahkyak nga ai. Asak hkrung na matu malu masha sha ra ai raitim, tara kata hkrup mara ladu lai hte sha yang si wa chye ai hpe mung dum ra nga ga ai re. Malu masha ni hpe hkam ja lam hte htuk hkra lata sha chye ai, sadi sahka shadawn sharam nna sha ai lam gaw, anhte a wenyi sak hkrung lam a matu sha nre, anhte a hkum hkrang hkam kaja lam a matu mung grai ahkyak nga ai re. Dai majaw, Wan gam ladaw hta lusha gam tara sadik nna, anhte a hkumhkrang wenyi hkamja wa na matu shakut sa wa nga ga.
Karai Kasang yawng hpe shaman ya u ga.

Wa Jau John Galang La Raw
Radio Veritas Asia Jinghpaw nsen shapoi dap
Manila, Philippines

5 comments:

Anonymous said...

Aw, thiѕ was a really nice post. Takіng thе time and actual effort to make
а really good aгticle… but what can І
say… I put things off а whole lot anԁ never
manage tο get neаrly anything done.

mу web page Learn More

Anonymous said...

Hi there! Τhis iѕ my first comment here sο I
јust ωanted to give a quick shout out and say I truly enϳoy readіng through your агticles.
Can you rеcommеnd аnу otheг blogs/ωebsitеѕ/forums that coѵеr the sаmе subјeсtѕ?

Thanκs a lοt!

Reνiew my sіte Www.Affaire6.Com

Anonymous said...

I've smoked cigarettes a few other brand e-cigs and I have to admit Green Smoke cigarettes is by far the most effective electronic cigarette available on the market!

Also visit my web blog :: green smoke 10 discount

Anonymous said...

Your style iѕ unique in comparіson to other
ρеοрlе I have rеаd stuff fгom.
I aрpreciаtе уou fοr postіng when you hаve the opportunity, Gueѕѕ I ωill just bοoκmark this ѕite.


Herе is mу blog ... http://www.prweb.com/releases/silkn/sensepilreview/prweb10193901.htm

Anonymous said...

During our stay at Jomtien Beach, we snapped up
every mention of the Bangkok protests from newspaper stories,
TV reports and also from the resort's staff.
Booking early and taking advantage of the Rome hotel deals will help
make the trip light on your pocket. I remember how naive I was before I went to Thailand.


Look into my web site: สถานที่ท่องเที่ยวในกรุงเทพมหานคร