TSAW RA MYIT HTE SENG AI CHYUM DAW NI

1 Corinthians 13:13

Makam masham, myit mada ai hte tsawra ai myit ngu ai lam masum rai nga ai, rai timung, dai hte hta grau kaba ai gaw tsaw ra myit rai nga ai.

Romans 13:10

Tsawra ai gaw htingbu wa hpe n hkru n hkra galaw yu ai nrai, dai rai nna tsawra ai gaw, jep ai tara a shatup shadik ai lam rai nga ai.

Romans 12:9

Tsawra ai myit hta saw tai n lawm u ga, u hkru n hkra ai hpe matsat nga mu, mai kaja ai hta manoi nga mu.

Mark 12:31

Na a htingbu wa hpe, na a hkum hte maren nang tsawra lu na ndai rai nga ai. 

Luke 6:31

Masha ni nanhte hpe hkan galaw na, nanhte tsaw myit dai hte maren, nanhte mung dai zawn shanhte hpe hkan galaw mu.

Luke 6:35

Dai rai nna nanhte gaw nanhte a hpyen ni hpe tsawra mu, shanhte hpe kaja ai hku galaw mu, myit hpa mung n ru ai sha hkoi shap ya mu, shingrai jang nanhte a shabrai kaba wan a hte, Tsaw htum ai Wa a kasha ni mung nanhte tai na marin dai, kaning rai n me law, shi gaw chyeju malap kau ai ni hte, n hkru n hkra re ai ni hpe malawm magawm di mu ai.

1 Corinthians 13:4-8

Tsawra ai myit gaw galu kaba nga ai, sumnung shingdi nga ai, tsawra ai myit gaw manawn masham n nga ai, grang ai ga n tsun ai, gumrawng gumtawng n rawng ai, n se n sa n galaw ai, tinang a akyu n tam ai, sin pawt la htet n nga ai, mara n tam nga ai. N ding n man ai hta n kaba ai sha, dai teng man ai hte rau kabu gara nga ai. Yawng mayawng hpe myit mada nga ai hte yawng mayawng hpe shakut sharing nga ai. Tsaw ra ai myit gaw galoi mung htak chye ai n rai.

1 Peter 4:8

Mahkra hta n-ga, nanhte shada da tsawra ai myit makyit rawng nga mu, kaning rain me law, tsawra ai myit gaw yubak mara law law hpe magap da lu ai.

1 John 4:18

Tsawra myit hta hkrit kang ai myit n rawng ai. 

John 15:13

Jinghku wa a matu tinang a asak nawng kau hkra tsawra ai myit hta, grau kaba ai tsawra ai myit gaw kadai hta mung n rawng nga ai.

Colossians 3:14

Dai nlang hte a ntsa e hkum tsup re ai makyit sumri ngu ai tsawra ai myit hpe kathap hpun nga mu.

1 John 4:8

Tsawra myit nrawng ai wa gaw, Karai Kasang hpe chye chyang wu ai nrai, kaning rai nme law, Karai Kasang gaw tsawra ai myit rai nga ai.

Matthew 22:37-39

Yesu gaw, Dai Madu, na a Karai Kasang hpe, na a myit kraw lawang mahkra hte, na a myit masin mahkra hte, na a myit mang mahkra hte nang tsaw ra lu na ndai, nga nna hkang da ai ga gaw, grau kaba ai hte shawng na ga mung, rai nga ai. Hpang na ga mung dai hte bung nga nna, Na a htingbu wa hpe, na a hkum hte maren nang tsaw ra lu na ndai, nga nna rawng nga ai.

Psalm 18:1

Nye a n-gun Karai Kasang e, ngai nang hpe tsawra nga nngai.

Sara Paul Kaiji