Paska poi or Easter ngu ai Madu Yesu bai hkrung rawt wa ai poi gaw anhte Christian makam masham nawku hpung a matu N pawt daju rai nga ai. Yesu shangai wa sai, hkaw tsun sai, si hkam sai rai tim, Shi bai n hkrung rawt wa yang gaw anhte a makam masham lam kaman li la nan rai nga ai. Christmas ngu ai Yesu shangai wa ai poi hpe gaw chye nna n dai grau a hkyak ai poi hpe n chye yang mai na nrai. Nawku hpung a liturgy nawku ladaw gaw lawu na hte maren rai nga ai.
Ga shaga dingsa prat hta; (OT) Isreal masha ni Egypt mung kaw na lawt pru wa na shana sha ai sagu hkung ga (shalai wa ai poi, or passover) hte nam mali hkan 40 ning wam gawai hkawm ai hpe myit dum nga na matu hpang de shu mashi shu masha prat ding sa htung hkring langai hku paska lu sha na re shaloi tsun hkai hkrat wa ai hpe mu lu ai.
Ga shaka nnan prat hta, (NT) lu shagam ladaw hpe n dai Paska poi hte hpung dim ai hpe mu lu ai. Shing rai paska (Esater) gaw lusha gam ladaw (lent) hte gin hka nmai nga ai hpe mu lu ai. Bai Yesu hpa majaw si hkam ai hpe myit yu yang dinghta ga hta tsaw ra myit mat mat wa magang ai majaw re hpe lawu na chyum lai ka hta hti yu ga. “Ngai hpang gara nngai”, “I thirst” Yh. 19:28.
N dai Paska ladaw hta chye ju kumla (Sacraments) ni hpe gaw de da sai. Chyoi Pra ai laban (Holy week) gaw nawku daw jau ai lam (liturgy) yawng a daju rai nga ai. Yesu bai nhkrung rawt wa yang dai ni Cristian nawku hpung ngu ai nga sana nrai. A kyu mung nrawng nga ai. Myit mada lam mung nnga ai.
Anhte mung Kashin Kamun hte maren Yesu hte rau shut hpyit mara hta si hkam sai, lup kau hkrum sai rai nna Yesu hte maren bai hkrung rawt wa na re ngu ai gaw Cristian ni a makam daju rai nga ai.
Yesu a bai hkrung rawt wa ai hte Lazaru a bai hkrung rawt wa ai lam n bung nga ai. Yesu a bai hkrung rawt wa ai gaw, moi shawng na hte n bung sai, Wenyi hte htani htana asak rai mat sai, hpang de bai n gayin sai. Lazaru mahtang si ai ni a bai hkrung rawt wa ai lam hpe sakse hkam na matu moi shawng na zawn hkum hte shan hte hkrung rawt wa sai. Yesu a si hkam ai lam gaw tsawra myit a majaw rai nna shanggyim masha yawng hpe hkye la na ngu ai hkrunlam (Business) hpe shadik ya sai. Kawa Karai a ga hpe shadik ya nu ai. Karai hte shinggyim masha lapran kasa (Mediator) tai ya nga sai rai. Hkyela Madu (Saviour) mung rai nga sai. Kam hpa lam, myit mada lam a daju rai sai. Shing rai Paska poi hpe ala shajin nga ga law.
Yesu bai hkrung rawt wa nna anhte hpe gabai kau da sai nrai. “Yu mu lamu prat htum hkra Ngai nan hte hte rau a nga nga na nngai” (Mt. 28:20). Paska ladaw hpe Pentecoste ngu ai Chyoi Pra ai Wenyi yu hkrat wa ai laban hte hpung dim ai rai. Ndai mabyin ni gaw AD.33 ram hta Palestine kaw byin wa sai rai.
Sara Naw Seng
Italy
No comments:
Post a Comment