Kachin Catholic Community In Malaysia

KCCM HPUNG MASHA NI MALACCA DE U DANG SHAGRAU POI SA

Septembar (11) laban shani hta KCCM kawn woi awn let Malaysia du hpung masha ni hte rau Malacca de U Dang shagrau poi sa du shang lawm la lu wa sai. Bus kaba lahkawng hte hpung masha ni yawng (60) jan sadu lam lai wa sai. Jahpawt (7:00AM) hta Kuala Lumpur, St. John Cathedral kaw na pru sa wa na Malacca Sta. Cruz Nawku Jawng de (9:00AM) kaw du shang wa sai. KCCM hpung masha ni hpe Ginwang Up Jau nan mare shing gan kaw na sa tau la lai wa sai. U Dang Shagrau Misa Hkungga hpe Nawku Jawng n daw kaw (9:00AM) hta hpang ai. Misa galaw nga ai ten marang htu ai rai tim hpung masha ni yawng gaw hprawng yen mat ai lam n nga ai sha Misa ngut hkra myit ngwi myit pyaw ai hte shang lawm la lu sai. Misa ngut ai hte KCCM hpung masha ni gaw akyu ni hpyi la rai nna mying dan hkawng ai Malacca mare hte pang lai hkinggau hkan de sa du hkawm la lu sai. Malacca kaw nna shana maga (6:00PM) ram hta bai n htang wa saga ai. KCCM