Malaysia Mungdan dan hta du nga ai maigan masha ni a makam masham lam hpe yaw shada nna shanging shagu galaw ai Migrant Mass hpe n dai September ( 25) ya shani Setapak, Good Shepherd Nawku Jawng hta galaw lai wa sai. N dai Migrant Mass hta KCCM hpung masha ni hpe mung lak san saw shaga wa sai hte maren KCCM kawn woi awn let hpung masha ni hkum hkum ra ra hte sa du shang lawm lai wa saga ai.
N dai Migrant Mass hta KCCM kawn Chyum Laika hti ai hte, Nawku Mahkawn hta shakawn ai hta Jinghpaw Myu Sha ga hku shang lawm lai wa sai. Bai ni dai lamang hta Mungdan mashan ni the rau sha Jinghpaw ni, Indonesia, Vietnam, India, Laos, hte laga mung dan hkan na hpung masha ni mung shang lawm lai wa sai.
Misa Hkungga ngut ai hte du sa ai hpung shawa masha ni hpe KCCM kawn Jinghpaw shat shatmai ni hte daw jaw ai lam galaw lai wa saga ai. KCCM
No comments:
Post a Comment