“Kanu ntsawm ai majaw kaga Kanu ni hpe nga hkwi ya ai gaida Kasha” nga ai mahkawn hpe madat yu chyalu rai saga ai.
Hpa hpe tsun mayu ai kun gaw nchye ai. Kasha gaw Kanu hpe Kanu ngu nwam tsun ai lam rai nga a. Atsawm nmyit yu nna Kasha hpe mara shagun gaw nmai na re. Prat galai shai wa ai masa hta hkan nna, Kun ding hku kata kaw, n chye na hkat ai lam ni law law dai ni anhte matsan mung dan ni hta byin pru nga ai.
Kanu Kawa ngu na ni law law wa dai ni Kashu Kasha hpe n tsaw ra ai ni, kabai kau ai ni, manat sat kau ai ni, shabrai kau ai ni, kasha ni hpe mayam zawn nawn ai ni, du sat zawn nawn ai ni law law anhte hta nga nga ai hpe mu lu ai. Anhte nan Kanu Kawa tai na ni rai nna anhte a lam hpe ding lun mayu ai lam re.
Kung dinghku gaw mungdan hte mung bung nga ai. Tinang mungdan a sut masa, hpaji madang, mung masa, nga sa prat madang grai nem taw yang tinang gaw dai mungdan masha nga nna tsun pyi n,gwi ai ni law law nga ai hpe dai ni myi chyaw mu lu ga ai. Mungdan Up hkang ai ni hpe gumlang nna Kanu Kawa hku nmu mat chye ga ai .Shing rai, mi na mahkawn hte maren, maigan masha hkam la mat ai ni law law nga nga ai hpe mu lu saga ai. Kaga Kanu ni a kasha ni tai mat masai rai.
Ding hku ngu ai gaw kanawn mazum lam (Communion) mung rai nga ai. Trinity ngu ai mung dai kanawn mazum lam a ningpawt hte tsaw ra lam a ningpawt rai nga ai.
Kanu Kawa tai ai ni mung hkung ran ai a lachyum hpe nchye na ai sha, dinghku de Kashu Kasha lu wa yang ningnan e yaw shada da ai, pyaw ngawn ai prat hpe 2,3 ning laman myi chyaw mu lu wa ai shaloi gaw, nga rai mungdan de du ai zawn nga hkam sha wa nna hka bra lam de, dinghku brak wa nna n ngwi npyaw wa yang, tsa dan shang ai nga nna mung tsun chye ga ai. Kanu Kawa ni mung Kasha ni hpe matsa, Kashu Kasha ni mung dai hte maren rai wa ai.
Ya tsaban 21 gaw information prat re majaw tinang hte dinghku de na la/num hpe tam la, shi a lam sawk sagawn rai chye ga ai. Facebook hkan, online hkan, shing nrai, manang ni kaw nna, jinghku masa hku nna , htunghking masa hku nna lata la chye ga ai.
Dinghku de nna Kashu Kasha lu wa chyalu rai saga ai. Informatiom prat hte maren, ma ni hte seng ai; Hpaji byeng ya lam, galu kaba lam, jai lang ra ai prat madang dep arung arai ni (lu na, sha na, bu hpun na gaw jahta ai baw nrai sai) hpe shara hte aten hta hkan nna mawn sumli ya ra nga ga ai.
Shing re ai ni hpe n lu galaw ya, prat madang dep ai hku nnga sa woi ai shaloi gaw, shawng na mahkawn hte maren, Kanu Kawa hpe n yu kaba mat ai kaw du wa nga ai. Kanu Kawa a tsaw ra ai lam hpe mung n lu madun ai de du wa nga ai. (Woi awn ai ni, sara kaba ni, du gyi ni moi na ni tsun chye ai gaw…moi anhte prat hta dai hku galaw ai re. Nanhte mung dai hku hkawm sa mu, nga nna tsun chye ma ai, shing nga ai ni a majaw mung mahkawn dai gaw pru wa sai rai).
Kaja wa hkrak tsun ga nga yang, Karai Kasang hte Kanu Kawa ni a tsaw ra myit gaw…jaw ya ai lam, sha rai nga ai. Sa mat ai lam sha re. Bai wa na lam nnga ai. Galaw ya dat ai lam sha rai nga ai. Hpang dat ya ai lam rai nga ai. Tinang bai akyu hkam sha na re ngu nna nmai shalat shapan nga ai. N dai tsaw myit hpe Agape nga nna shamying ai hpe mu lu ai. N dai Agape tsaw ra myit hpe chye ju bai htang lu ai atsam kadai shing gyim masha kaw mung nnga ai.
Shing rai dinghku de na rai yang Tsaw ra myit ntsa kaw gaw de da ra ga ai. Hpaji grai chye nna, grai byin nna, grai lu su nna, yu kaba nna sha, tinang a ningrum ningtau tam ai nre sha, kaja wa jet ai tsaw ra myit hte tsawra hkat ai dinghku ni dai ni gaw de ra saga ai. Dai dinghku gaw kaja wa ngwi pyaw sim sa nna Kashu Kasha ni mung tinang a tsaw ra myit hpe tau yu nna, tsaw ra ai Nu, tsaw ra ai Wa, nga nna manoi na rai ma ai.
Lama na tsaw ra ai myit kaw ningpawt gaw de ai dinghku nrai yang ya na prat na crisis ni law law hte hkrum hkra wa yang consumarism , mass media , ateism hte sharin shaga lam ni law law gaw, Kashu Kasha hte Kanu Kawa ni a lapran ru yak lam kaba rai wa na ra ai. Karai Kasang a tsaw ra myit hpe mung sak se hkam lu na nrai.
Shing rai anhte Kanu Kawa tai wa na ni gaw jet ai tsaw ra myit hta tinang a dinghku hpe gaw de sa wa ra ga ai. Dinghku shagu gaw tsaw ra lam hta galu kaba wa yang, makau grup yin, mungdan, buga gaw tsaw ra ai lam hta hpring zup wa nna simsa wa na re. Kashu Kasha ni mung dai Kanu Kawa ni kaw na lu la ai tsaw ra myit kaw bai gaw de jet nna Karai Kasang a mungdan madu a akyuhpyi ga) ngu ai anhte hpyi nga ai akyu pyi ga gaw dik wa na rai mali ai law.
Shing rai anhte na yu sai mau mwi kadun hta, Kasha ma chyangai yup taw ten wan hkru mat nna Kanu gaw n hkrit n tsang wan shing let kata kaw nna Kasha hpe hkye la sai. Shing rai Kanu a lata gaw, wan hte hkra mat nna ning ma kaba tai let, prat tup n yu tsawm mat ai lam chye lu ai. Kasha dai mung kaba wa ten du hkra dai mabyin hpe nchye nna Kanu a lata ntsawm ai lam, masha hpawng hta shi Nu a lam tsun gaya ai lam na chye lu ai. Rai tim lani mi Kanu tsun dan nna kasha gaw Kanu a tsaw ra myit hpe chye mat ai lam..hpang jahtum,,, “mung kan ntsa hta nye NU a lata gaw tsawm dik” nga nna Kanu a tsaw myit hpe shakawn aw law ai lam chyelu ga ai.
Hpung dim: kaja wa jet ai tsaw ra myit hte tinang a dinghku hpe gaw de ai wa gaw..Kanu Kawa a tsaw ra myit hpe chyeju bai htang ai kumla, chye ju dum ai lam kaba rai sai.
Seng Shatapru (Rome)
Hpa hpe tsun mayu ai kun gaw nchye ai. Kasha gaw Kanu hpe Kanu ngu nwam tsun ai lam rai nga a. Atsawm nmyit yu nna Kasha hpe mara shagun gaw nmai na re. Prat galai shai wa ai masa hta hkan nna, Kun ding hku kata kaw, n chye na hkat ai lam ni law law dai ni anhte matsan mung dan ni hta byin pru nga ai.
Kanu Kawa ngu na ni law law wa dai ni Kashu Kasha hpe n tsaw ra ai ni, kabai kau ai ni, manat sat kau ai ni, shabrai kau ai ni, kasha ni hpe mayam zawn nawn ai ni, du sat zawn nawn ai ni law law anhte hta nga nga ai hpe mu lu ai. Anhte nan Kanu Kawa tai na ni rai nna anhte a lam hpe ding lun mayu ai lam re.
Kung dinghku gaw mungdan hte mung bung nga ai. Tinang mungdan a sut masa, hpaji madang, mung masa, nga sa prat madang grai nem taw yang tinang gaw dai mungdan masha nga nna tsun pyi n,gwi ai ni law law nga ai hpe dai ni myi chyaw mu lu ga ai. Mungdan Up hkang ai ni hpe gumlang nna Kanu Kawa hku nmu mat chye ga ai .Shing rai, mi na mahkawn hte maren, maigan masha hkam la mat ai ni law law nga nga ai hpe mu lu saga ai. Kaga Kanu ni a kasha ni tai mat masai rai.
Ding hku ngu ai gaw kanawn mazum lam (Communion) mung rai nga ai. Trinity ngu ai mung dai kanawn mazum lam a ningpawt hte tsaw ra lam a ningpawt rai nga ai.
Kanu Kawa tai ai ni mung hkung ran ai a lachyum hpe nchye na ai sha, dinghku de Kashu Kasha lu wa yang ningnan e yaw shada da ai, pyaw ngawn ai prat hpe 2,3 ning laman myi chyaw mu lu wa ai shaloi gaw, nga rai mungdan de du ai zawn nga hkam sha wa nna hka bra lam de, dinghku brak wa nna n ngwi npyaw wa yang, tsa dan shang ai nga nna mung tsun chye ga ai. Kanu Kawa ni mung Kasha ni hpe matsa, Kashu Kasha ni mung dai hte maren rai wa ai.
Ya tsaban 21 gaw information prat re majaw tinang hte dinghku de na la/num hpe tam la, shi a lam sawk sagawn rai chye ga ai. Facebook hkan, online hkan, shing nrai, manang ni kaw nna, jinghku masa hku nna , htunghking masa hku nna lata la chye ga ai.
Dinghku de nna Kashu Kasha lu wa chyalu rai saga ai. Informatiom prat hte maren, ma ni hte seng ai; Hpaji byeng ya lam, galu kaba lam, jai lang ra ai prat madang dep arung arai ni (lu na, sha na, bu hpun na gaw jahta ai baw nrai sai) hpe shara hte aten hta hkan nna mawn sumli ya ra nga ga ai.
Shing re ai ni hpe n lu galaw ya, prat madang dep ai hku nnga sa woi ai shaloi gaw, shawng na mahkawn hte maren, Kanu Kawa hpe n yu kaba mat ai kaw du wa nga ai. Kanu Kawa a tsaw ra ai lam hpe mung n lu madun ai de du wa nga ai. (Woi awn ai ni, sara kaba ni, du gyi ni moi na ni tsun chye ai gaw…moi anhte prat hta dai hku galaw ai re. Nanhte mung dai hku hkawm sa mu, nga nna tsun chye ma ai, shing nga ai ni a majaw mung mahkawn dai gaw pru wa sai rai).
Kaja wa hkrak tsun ga nga yang, Karai Kasang hte Kanu Kawa ni a tsaw ra myit gaw…jaw ya ai lam, sha rai nga ai. Sa mat ai lam sha re. Bai wa na lam nnga ai. Galaw ya dat ai lam sha rai nga ai. Hpang dat ya ai lam rai nga ai. Tinang bai akyu hkam sha na re ngu nna nmai shalat shapan nga ai. N dai tsaw myit hpe Agape nga nna shamying ai hpe mu lu ai. N dai Agape tsaw ra myit hpe chye ju bai htang lu ai atsam kadai shing gyim masha kaw mung nnga ai.
Shing rai dinghku de na rai yang Tsaw ra myit ntsa kaw gaw de da ra ga ai. Hpaji grai chye nna, grai byin nna, grai lu su nna, yu kaba nna sha, tinang a ningrum ningtau tam ai nre sha, kaja wa jet ai tsaw ra myit hte tsawra hkat ai dinghku ni dai ni gaw de ra saga ai. Dai dinghku gaw kaja wa ngwi pyaw sim sa nna Kashu Kasha ni mung tinang a tsaw ra myit hpe tau yu nna, tsaw ra ai Nu, tsaw ra ai Wa, nga nna manoi na rai ma ai.
Lama na tsaw ra ai myit kaw ningpawt gaw de ai dinghku nrai yang ya na prat na crisis ni law law hte hkrum hkra wa yang consumarism , mass media , ateism hte sharin shaga lam ni law law gaw, Kashu Kasha hte Kanu Kawa ni a lapran ru yak lam kaba rai wa na ra ai. Karai Kasang a tsaw ra myit hpe mung sak se hkam lu na nrai.
Shing rai anhte Kanu Kawa tai wa na ni gaw jet ai tsaw ra myit hta tinang a dinghku hpe gaw de sa wa ra ga ai. Dinghku shagu gaw tsaw ra lam hta galu kaba wa yang, makau grup yin, mungdan, buga gaw tsaw ra ai lam hta hpring zup wa nna simsa wa na re. Kashu Kasha ni mung dai Kanu Kawa ni kaw na lu la ai tsaw ra myit kaw bai gaw de jet nna Karai Kasang a mungdan madu a akyuhpyi ga) ngu ai anhte hpyi nga ai akyu pyi ga gaw dik wa na rai mali ai law.
Shing rai anhte na yu sai mau mwi kadun hta, Kasha ma chyangai yup taw ten wan hkru mat nna Kanu gaw n hkrit n tsang wan shing let kata kaw nna Kasha hpe hkye la sai. Shing rai Kanu a lata gaw, wan hte hkra mat nna ning ma kaba tai let, prat tup n yu tsawm mat ai lam chye lu ai. Kasha dai mung kaba wa ten du hkra dai mabyin hpe nchye nna Kanu a lata ntsawm ai lam, masha hpawng hta shi Nu a lam tsun gaya ai lam na chye lu ai. Rai tim lani mi Kanu tsun dan nna kasha gaw Kanu a tsaw ra myit hpe chye mat ai lam..hpang jahtum,,, “mung kan ntsa hta nye NU a lata gaw tsawm dik” nga nna Kanu a tsaw myit hpe shakawn aw law ai lam chyelu ga ai.
Hpung dim: kaja wa jet ai tsaw ra myit hte tinang a dinghku hpe gaw de ai wa gaw..Kanu Kawa a tsaw ra myit hpe chyeju bai htang ai kumla, chye ju dum ai lam kaba rai sai.
Seng Shatapru (Rome)
No comments:
Post a Comment