Anhte a tsit lali tsawm, manu dan shanman chyeju hte hpyring zup la ai Wunpawng Mungdan kata hta shanu ga ai Wunpawng Myu sha ni dai ni na n htoi hta ru yak jam jau the hkrum sha wa nga sai.
Wunpawng Mungdan Shanglawt Asuya hte Myen Asuya ni kawn lai wa sai June praw (9) ya kawn shada majan bai hpang wa sai re. N dai zawn majan hpang nna shada gap hkat ai hta Buga de shanu nga ai Myu Sha ni law law wa gaw hpyen tsim yam hkrum nna, tinang a mare kahtawng hkan nga n mai ai majaw nam maling mala kata hkan, miwa ga jarit hkan, Shanglawt Ginra rai nga ai Laiza, Maija Yang hte Mare kaba hkan na Nawku jawng ni hkan de hprawng machyu shingbyi ra nga sai.
Ndai zawn hprawng hkawm ai hta malawng gaw dinggai dingla ni the Ma Kanu ni, Ma Kaji ni, jawng lung nga ai ma ni malawng re ai hpe mung mu lu ai. N dai zawn ru yak jam jau hkrum nga ai anhte a Kanu, Kawa, Jinghku jingyu ni mung lawm na re. Ya ten shanhte gaw anhte a GARUM SHINGTAU ai lam hpe grai ra gadawn taw nga ma ai. Buga de na hpyen hprawng tsin yam ni hpe anhte dang di dang dep ai hte garum shingtau la ga. Shanhte a n tsa anhte a TSAW RA MYIT hpe madun sa wa ga nug KCCM hpung masha ni yawng hpe garum hpyi saw lajin dat lu n ngai. KCCM
No comments:
Post a Comment