WA SARADAW FRANCIS KAWN KCCM HPANG DE

MYITKYINA SASANA SAGU REM WA SARADAW FRANCIS DAW TANG A KCCM LANING MI HPRING N GUN JAW LAIKA

Dear Naw Awng hte KCCM,

Magam gun ni Hpung masha ni yawng myit mang langai sha hte makam masham, sut lu ngamu nga mai bawngring lam shagu hta jawm shakut gahkyin nga ai gaw anhte a myu htunghking hte Amyu sari hpe shachyam shabra sakse hkam ai lam kaba re. Grai kabu n gun lu ai hte shakut aini yawng hpe n dang tsun hkra kabu chyeju dum ai.

Karai a man e mung masha laga ni a man e mung nanhte dai hku myit hkrum myit ra jawm shakut ai kasi kaja hpe manang ni grau grau mu n gun la lu mu ga matut shakut sa ga ngu grai n gun jaw mayu ai.

Nanhte myit su myit gu ai hku shawng lam kaw hkawmsa dan yang she hpang e hkan du ai kanau ni yawng hpe atsawm woi zinlum woi awn sa lu na rai nga ai.

Yawng hpe woi zinlum n gun jaw hpaji jaw let matut shakut sa lu mu ga tut akyu hypi ya nga na ga ai.

Hkristu Madu hta,

Bishop Francis Daw Tang
Myitkyina Ginwang Saradaw