ROSARY A LAM

Nawku hpung gaw Rosary hpe hkungga manu shadan ai lam hpe lai wa sai tsaban law law kaw na galaw hkrat wa sai. Rosary hti ai lam gaw hpung masha ni a matu makam masam ga langai rai nga ai hte manu dan dik ai kyu hpyi ga langai rai nga ai.

Spain mungdan hta laiwa sai tsaban 13 ram kaw San Pra ai Dominic ngu ai nga lai wa sai, Rosary hti ai lam gaw San Pra ai Dominic kaw na hpang wa ai ngu yang n shut nga ai. Shi gaw Dominican Jau hpung hpe gaw de da nna tara shadik ai wa mung rai nga ai. San pra ai Dominic gaw Fancis mung dan de sasana galaw na hte mara hta lup nga ai ni lawt lam lu na matu sa mat wa ai. Lani mi hta, Chyoipra ai Nu Maria gaw lata hta Rosary hpe jum da let San pra ai Dominic kaw dan pru dan wa sai. Nu Maria shi hpe tsun ai gaw Rosary hti ai a marang e mara hta lup nga ai ni myit yawn malai lu wa na lam hte Karai Kasang kaw na shaman chyeju ni hkam la lu na lam hpe tsun dan lai wa sai. Bai Nu Maria gaw “ N dai gaw Na a matu Ngai jaw ai manu daw dan n lu ai kum hpa re “ nga tsun let San pra ai Dominic hpe Rosary jaw da sai. Dai kawn San pra ai Dominic gaw hpung masha ni hpe Rosary gara hku hti ra ai lam ni hpe sharin ya lai wa sai.

1858 ning hta Chyoi par ai Nu Maria gaw Francis mung na Lourdes mare hta San pra ai Bernadette kaw Rosary hpe lang let bai dan pru dan lai wa sai. 1917 ning hta mung Portugal mung dan na Fatima mare hta Chyoi Pra ai Nu Maria gaw Rosary hpe lang let ma kasha masum kaw bai dan pru dan lai wa sai. Dai shaloi Nu Maria gaw “ Ngai gaw Rosary a Hkawm Hkam jan rai nga n ngai” nga tsun lai wa sai. Bai Mungkan masha ni shut hpyi mara kaw na myit yawn myit malai lu na lam hte, Karai Kasang hpe shayawn kau ai kaw na hkyamsa lu na matu Rosary hti na hpe tsun shadum lai wa sai.

Kabu gara ai mung sung ga sung:(bat 1 hte 6 ya)

Lamu Kasa ga shana ai (Lk 1/26-38)

Kana San Elizabeth kaw gawan ai (Lk 1/39-45)

Madu Yesu shangai wa ai (Lk 2/1-7)

Ma Yesu hpe ap ya ai (Lk 2/21-40)

Nawku htingnu hta Yesu hpe mu la ai (Lk 2/41-50)

Nhtoi a mung sung ga sung:(bat mali ya)

Madu Yesu Kashin kamun hkam ai (Mt. 3:13-17)

Hkanan mare na Num hkung ran poi shabyin ai (Jn. 2:1-12)

Madu Yesu Karai Kasang a mungdan lam hkaw tsun ai (Mk1:15;Mk2:3-13; Lk 7:47- 48)

Madu Yesu n sam galai hpung shing kang madun ai. (Luke 9:28-35)

Chye pra hkum hpe shabyin da ai. (Mk 14:22-25; Jn 13:1)

Yawn hkawn ai mung sung ga sung:( bat 2 ya hte 5ya)

Madu Yesu tsanlun sun hta myitru myittsang hkrum ai (Luke 22:39-46)

Madu Yesu hpe anu gayet ai (Jn 19:1)

Madu Yesu hpe ju janmau shagup ya ai (Mk 27:27)

Madu Yesu U dang hpai ai (Jn 19:17-22)

Madu Yesu U dang hta jen noi si hkrum ai (Lk 23:44-49)

Hpung shing kang rawng ai mung sung ga sung:( bat 3 hte laban )

Madu Yesu Si ai ni kaw na hkrung rawt wa ai (Jn 20:1-18)

Madu Yesu Sumsing Lamu de lung wa ai (Luc 24/50-53)

Chyoipra ai Wenyi yu hkrat wa ai (Act 2:1-13)

Nu Maria hpe lamu de woi la ai (Pope Pius XII : Assumption Dogma 1950)

Nu Maria hpe Lamu hkaw hkam jan dang da ai. (Rv 12:13)

Mut Tsawm