Malaysia Mung dan kaw sadu shanu nga ai tsaw ra ai Kashu Kasha, Kanau ni a shawng lam a matu yaw shada let KCCM kawn Jinghpaw Laili Laika, Makam Masham Lam hte English laika ni hpe sharin ya ai Jawng hpe April 19, 2010 bat langai ya shani kaw n na Good Shepherd Jau Ginwang Stepak kaw da ju da let hpaw hpang wa na re lam hpe chye lu ai.
Shawng na lahkam hku n na Stepak kaw na shawng hpang wa na, hpang de lawk shagu de sa du sharin ya wa na re lam hpe chyelu ai, Ma ni hpe Jinghpaw Laili Laika hte Makam masham lam ni hpe woi awn sharin ya na matu Tara Hkaw Sarama Halen Htu Raw hpe mung lu shaga da sai lam chye lu ai. Sarama Helen Htu Raw gaw Ma ni hpe sha n rai, Malaysia mung dan kaw sa du nga ai Catholic Hpung masha ni yawng hpe mung Wenyi lam yan hta woi awn sa wa na rai nga ai.
Ma ni a matu English laika hte laga machye machyang ni hpe gaw Stepak Jau Ginwang na Hpung masha (Mungdan Masha) ni lit la garum sharin ya na re lam hpe chye lu ai. N dai jawng hpaw na hte seng n na Good Shepherd Ginwang Up Jau hte Hpung masha ni kawn ra mara hpe lit la garum sa wa na re lam hpe mung na chye lu ai. U hpung u hpawng shagu de na mung garum shingtau ya na lam ni hpe mung na chye lu ga ai.
KCCM kawn hpaw ai Jinghpaw hte Makam masham jawng hte seng n na chye mayu ai Nuwa Hpunau ni nga ai rai yang la-u na Phone No ni de mai san sagawn la ai lam shana dat lu n nga.
Pius [KCCM - Ningbaw] 012 2473556
K. Naw Naw [KCCM - Ningbaw Malai] 016 3755672/ 012 9270054
Sarama Htu Raw [KCCM - Makam masham lam woi] 014 3656453
Email: kccmalaysia@gmail.com
de mung mai matut mahkai san sagawn ai lam shana dat lu n ngai.
KCCM
No comments:
Post a Comment