Yesu a chyoi pra htum ai Salum e, Na sape nta dinghku shagu hpe, Nang up hkang mayu ai lam, San Margarita Maria kaw shana da nit dai. Na a myit hpe shadik ya lu uga, anhte nta masha ni dai ni e Na a man de du hpawng nna, ga shaka da saga ai.
Na a kasi ningli hpe htep lahti hkan nang na matu, myit hkut da saga ai. Lani hte lani Nang hpe grau chye chyang tsaw ra wa lu na matu, tutnawng akyu hpyi shakut na ga ai, byin mai ai shaloi mung, Chyoi Pra ai Hkum hpe hkam la na ga ai.
Anhte a hkum hkrang wenyi hte seng ai amyu bungli ni hpe atsawm sha galaw lu na matu garum ya mi. Kabu gara ai lam ni hpe chyeju dum ai myit hte hkap la nna, myit ru myit tsang tsinyam tsindam lam ni hpe mung, Nang myit ra ai hte maren, hkam sharing lu na matu, kam sham ai myit hpe n-gun shaja ya mi.
Ndai prat hta anhte amu tam galaw nga yang shada da gade tsan gang hkat nga timung, shada tsaw ra myit dum nna, hpang na prat hta Na a ngwi pyaw ai mungdan de bai du hpawng wa lu na chyeju jaw ya mi.
Anhte a Hkawhkam rai nga ai Yesu a Salum kaw hpung shingkang arawng sadang a nga nga u ga law. Amen.
No comments:
Post a Comment