YESU HPANG HKAN AI NI YAWNG A KANU NAWKU HPUNG


De Madu hta Tsaw Ra ai Hpu Nau Ni e, 
Dai ning anhte ni a "Kamsham Ai Lam a Shaning" (Year of Faith) hta anhte a nawku hpung gaw Christian ni yawng a Kanu Nawku Hpung re ai lam hpe Vatican Council II hta anhte a Naw Ku Hpung hpe grau nna chye na lu wa na matu masat da ai lam hta mu lu nga ga ai. 

    Nambat langai hku nna tsun ga nga yang, kanu gaw shinggyim prat hpe shangai ya ai. Ma hpe kan kata e shata jahku hpai da nhtawm, shangai chying hkai ya ai. Nawku hpung mung ndai zawn rai nga ai. Makam Masham hta anhte hpe Nu Maria Madu hpe shangai ya ai zawn shawng nnan shangai ya ai. Nawku hpung hte Nu Maria gaw anhte ni a Kanu ni rai nga ai. Nawku hpung hpe tsun ai ni yawng gaw Nu Maria hpe tsun ai rai nga ai. Kamsham ai lam gaw shinggyim masha a tinggyeng lam rai nga ai. Hkristan ni gaw zinglawng kaw e nga ai ni nrai. Chemical Laboratory kaw e sha-ngai la ai ma zawn, ti nang na ti nang byin wa ai Hkristan ni nrai nga ai. Makam Masham ngu ai gaw nawku hpung kawn na Karai Kasang jaw ai kumhpa langai mi rai nga ai. Nawku hpung anhte ni hpe kashin kamun, kalang bai shangai, ya ai a marang e, Hkristan ni anhte tai wa ai rai nga ai. Nawku hpung gaw gaja nan Madu hpe kam sham ai ni a Kanu nan rai nga ai ngu nna mung chyum daw ndai kaw tsun da nga ai (De moribus Ecclesiae, I, 30, 62-63; PL 32, 13-36). Anhte ni na anhte ga san san ga: Na a nawku hpung hpe gara hku mu a ta? Masha langai hku nna shangai ya ai kanu kawa ni hpe chying hkai ya ai ni hku nna mu ai zawn, Hkristan hku nna shangai ya ai Nawku hpung hpe mung chying hkai ya ai hku nna mu ai i? Nkau mi chyawm gaw ‘re’ ngu nna tsun na rai tim, nkau Hkristan ni chyawm gaw malap nga na nhten. 

    Nawku hpung gaw anhte Hkristan ni a Kanu ngu nna tsun lai wa sai hte maren, Nawku hpung a Kanu mung anhte Hkristan ni rai nga ga ai. “Nang”, “Ngai” ngu ai gaw nawku hpung a hkum hkrang chyen ni rai nga ga ai. Saint Jerome gara hku tsun da a ta nga yang: “ Nawku hpung gaw laga nrai nga ai; shi a hpang hkan ai ni a wenyi ni sha rai nga ai” ngu nna Ps 86: Pl 26:1084 hta tsun da nga ai. Nkau mi tsun nga ai hpe na na re: “Karai Kasang hpe kam sham ai, tim, Nawku hpung hpe gaw nkam sham ai” nga nna tsun ma ai. Gaja nan nga yang anhte ni yawng nan gaw “Nawku Hpung” nan rain ga li tai: Wa Sarabyin kawn, nnan sha shangai nna, gashin gamun hkam ai ma chyangai du hkra gaw “Nawku Hpung” nan rai nga ai. Anhte ni yawng gaw makam masham a Kanu hku nna shaga la hkrum ai ni rai nga ga ai. Makam masham lam hpe hkaw tsun gat hkai na sara/ saranum ni rai nga ga ai. Ya dai ni du hkra tinang gaw Hkristan langai hku nna, gara madang hku nna, gara madang kaw tsap nga taw ai kun? “Nawku hpung hpe tsaw ra ai” ngu nna azim sha tinang na tinang pat shingdang nga ai wa rai kun? Shing nrai, shinggan le nna, yawng hpe, manang wa hpe, amyu ni hpe Kabu Gara shiga gat hkai ai wa rai kun?, myit sawn yu nga ga.  Anhte ni yawng gaw Madu a ninghtoi hpe mungkan ga jut shagu, shara n ngam hkra, Nawku Hpung a Kanu tai ai shangai chying hkai ai lam ni hta shang lawm ga ngu yawng hpe numhtet dat nngai law. 

Matut nna hkum tsup ai hku ndai kaw mai hti la ai: http://www.ewtn.com/vnews/getstory.asp?number=126773

No comments: