KCCM MAGAM GUN NI WA SARADAW CHARLS BO HTE HKRUM ZUP


Myen Mung kaw na du sa wa ai Wa Saradaw Kaba Charls Bo hte Wa Jau Leo Kyaw Win, Wa Jau Bernard ni kawn April (21) ya shani Kuala Lumpur Mare Kaba na St. John Cathedral kaba kaw Malaysia kaw du nga ai Myen Mung Catholic hpung masha ni a matu Misa Hkungga hpe jawm nawng ya lai wa sai. Wa Saradaw Kaba nawng ya ai Misa Hkungga hta Malaysia du hpung masha ni marai (500) jan sa du shang lawm lai wa sai hpe mung mu chye lu ai.

Matut nna shana hkying (8:00) ten ram hta Wa Saradaw Kaba Charls Bo hte Malaysia du Jinghpaw Kathawlik Hpung masha ni hpe woi awn nga ai KCCM magam gun ni hkrup zup bawngban ai lam hpe mung Bukit Bintang lawk na Shy. Cicilia N Gan Doi Nan ni a dum nta kaw galaw lu sai saga ai. Ndai zawn hkrum zup ai hta KCCM lit hkam Sara Paul Kaiji Naw Naw kawn KCCM a lam hte KCCM a galaw sa wa ai magam bungli ni hpe Wa Saradaw hpe tsun sanglang dan lai wa sai lam, KCCM magam gun ni kawn mung tinang mu mada hkam sha ai lam ni hpe tsun hpaw sanglang lai mat wa sai lam chye lu ai. Wa Saradaw kawn KCCM EC ni hpe n gun jaw ga tsun shaga la ai lam hte, Malaysia kaw du nga ai Catholic hpung masha ni a matu Yangon Sasana na Jau langai mi jaw na re lam, KCCM Hpung masha ni a matu mung Jinghpaw Tarahkaw Sara langai mi lu hkra seng ang ai Jinghpaw Saradaw ni hte jahkrup nna lajang mat wa ya na re lam ni hpe tsun n-gun jaw lai wa sai. Hkrum zup bawngban ngut ai hpang Shy. Cicilia N Gan Doi Nan kawn daw jaw ai shana shat hpe jawm sha la nna (9:00PM) ten ram hta ngwi pyaw awng dang ai hte galaw la lu sai lam na chye lu ai.

No comments: